PODA 10:22 - BIBEL JAMITA NA DENGGAN

²² Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 10:22 Referans Kwoze

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

PODA 20:21

Mur mura halak dapotan sinadongan mur so denggan do panginonaanna.

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

ZAKARIA 5:4

Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”

PAMUNGKAAN 14:23

na so buatonku sanga aha sian nampunamu, hum sabonang pe sanga sada tali ni solop pe nada. Jadi nanggo tardok ho tu au, ‘Hara ni au do da umbaen na maradong si Abram.’

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

1 RAJA-RAJA 21:19

jana palalu ma tusia, Au Tuhan mandok songon on, ‘Dung mamunu jolma, mangarampas dope! Jadi hara ni i dilatan ni anjing ma mudarmu di inganan ni pandilatan ni angka anjing di mudar ni si Nabot i!’ ”

PAMUNGKAAN 26:13

Mur martamba-tamba do sinadongannia jana gabe halak na maradong situtu ma ia.

PANGARATAION 26:10

Jadi hara ni i, saonnari huhaulkon ma tu Tuhan patumonaan ni pandapotanku na nilehenNia tu au.’ Dung i baen ma ampang i disi di adopan ni Tuhan, jana marsomba ma ho tuSia.

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

PODA 8:21

Angke hulehen do hakayoon tu na manghaholongi au; sinadongan manggohi bagasna.

PODA 14:24

Tarpuji do halak na marroha hara ni habisuhonna; marlayas halak na oto hara ni haotoonna.

DANIEL 1:15

Dung abis i, mur sumehat do halahi idaon jana mur gumogo sian sude doli-doli na mangan panganon sian meja ni raja i.

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

2 JUJUR TAON 32:27

Gabe sun ma kayo ni Raja Hiskia, jana sude halak pasangapkon ia. Dibaen ia ma angka kamar inganan panyimpanan ni artania i, i ma: sere, perak, angka batu intan, parmasak, parince dohot angka barang-barang sigodang arga na asing.

2 JUJUR TAON 32:29

Na lobi bahat i, tamba ni i dipungka ia do bahat kota. Bahat sajo do sinadongan na nilehen ni Debata tusia.

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.