PODA 10:14 - BIBEL JAMITA NA DENGGAN

¹⁴ Halak na bisuk palagut parbinotoan; muda mandok hata halak na oto, sai pabingkas parbadaan.

PODA 10:14 Referans Kwoze

PODA 18:7

Hata ni halak na oto do manyegohon dirina; tardapot ia dibaen hata-hatana.

PODA 10:8

Diparrohahon na malo do hata sipaingot, tapi giot madabu do anggo halak na oto mangkobar.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 10:10

Sanga ise na mangkidopkon mata, patubu hasusaan; sanga ise na oto manghatai, angkon madabu.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 13:44

“Anggo Harajaan Ni Banua Ginjang, tarsongon arta na arga do i, na tanom di bagasan ladang. Jadi dapot sada halak ma i. Ditabunihon ia ma mangulahi tu bagasan ladang i. Jadi hara ni jop ni rohania, digadis ia ma sude sinadongannia. Mulak ma ia, ditobusi ia ma ladang i.”

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

PODA 21:23

Laho pasiding hasusaan, patut do jamot di pandohanna.

PODA 19:8

Sanga ise na marayak parbinotoan, mangkaholongi dirina; sanga ise na marningot na niparsiajaranna, gabe maduma.

PODA 18:15

Bahat do halak na pistar marjop ni roha, jana manguas marsiajar.

PODA 18:1

Halak na so malo margaul, diparrohahon hum tu dirina, pandapot ni halak na asing nada tarjagitsa.

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PARJAMITA 10:12

Hata ni halak na pistar do mambaen sangap ia, hape anggo halak na oto, mago do hara ni hata-hatana.

PODA 17:20

Sada panipu indangkan na marhasonangan; halak sijuba-jabi mandapot parmaraan.