PODA 1:6 - BIBEL JAMITA NA DENGGAN

⁶ Marhite dalan na songon i tardodo halahi ma bagasna arti ni poda jana botoonna ma alus ni angka na masa na nipatujolo ni angka halak na marbisuk.

PODA 1:6 Referans Kwoze

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

MARKUS 4:11

Dung i didok Jesus ma tu halahi, “Anggo tu hamu madung dilehen do mangartihon simo-simo ni Harajaan Ni Debata, tapi anggo tu halak na asing sian hamu, markite-hite umpama do i nipaboa.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

MASMUR 49:4

Parrohahononku ma hata pandohan, lalu mamiltik hasapi, hupatorang impolana.

MARKUS 4:34

Sai marumpama do Jesus muda mangajari Ia tu halak na bahat i. Tapi anggo Ia dohot angka siseanNia i sajo, dipatorang Ia do sude tu halahi.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

PODA 24:23

Unjung do didok angka halak na bisuk songon on: Panguhum nada tola borat sabola.

DANIEL 8:23

Marayak marujung angka harajaan i, jana muda dung gok hajahatan ni angka na jahat, gabe ro ma sada raja sijogal roha, jana na malo paoto-otohon.