PODA 1:24 - BIBEL JAMITA NA DENGGAN

²⁴ Madung hupiohon hamu jana huelek, hape dijua hamu do jana nada ra hamu manerge.

PODA 1:24 Referans Kwoze

SURAT NI SI PAULUS TU PARLAGUTAN ROM 10:21

Tapi anggo taringot tu halak Israel didok ia do, “Songon on ma pandok ni Debata, ‘Husurduhon do tanganKu sasadari tu sada bangso sijogal roha jana na tangkang.’ ”

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEREMIA 7:13

Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.

JESAYA 66:4

Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

JEREMIA 44:16

“Nada ra hami manangihon sanga aha na nidokmu tu hami mangasahon goar ni Tuhan.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

2 JUJUR TAON 33:10

Digorahon Tuhan ma si Manase dohot rayatna i, tapi nada ra halahi manangihon.

JOB 33:14

Haru pe mandok hata Debata marhite ragam ni dalanNa umpe sahalak na manangihon na nidokNa.