PODA 1:22 - BIBEL JAMITA NA DENGGAN

²² Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 1:22 Referans Kwoze

PODA 5:12

Jadi dohononmu ma, “Iale, biasi ma nada ra au manjagit sipaingot? Biasi nada ra au diajar?

PODA 1:29

Nada jungada porlu dihilala hamu parbinotoan. Sai na matua losok do rohamunu mangoloi Tuhan.

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

JOHANNES 3:20

Sude halak sibaen na jahat magigi do i tu na torang; nada ra ia ro tu na torang, angke nada jop rohania haidaan pangalahonia na jahat i.

LUKAS 19:42

Humolos ma Ia, “Dengganna i sugari diboto hamu sadari on sanga aha na porlu di hamu laho manjagit hadameon i! Hape saonnari buni do i di jolo ni matamu.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

PODA 21:11

Muda hona uhum halak na sombong, dapotan pangajaran do halak na so marpangalaman. Muda hona ajar halak na marroha, gabe dapotan parbinotoan ma ia.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

PODA 19:29

Jolma na oto na ginjang roha pasti do i hona balbalan.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

PODA 7:7

Jadi huligi ma bahat doli-doli na bajar dope; tapi hupamanat ma tangkas sada na oto sian tonga-tonga ni halahi.

PODA 6:9

Sadia lolot nari ho ale na losok sai modom, andigan pe ho ngot?

PODA 3:34

Dipaila Ia do halak sigincat roha, tapi dipasupasu Ia do halak na toruk roha.

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 1:4

Halak na hurang pangalaman diajari do gabe malo, jana halak na poso diajarisa gabe halak na marbinoto boti marbisuk.

MASMUR 94:8

Pardiatehon ma, o hamu angka jolma na oto! Andigan dope hamu marsiajar mamake pikiranmi?

JOB 34:7

Jungada dehe diida hamu jolma songon si Job on? Matua ma ia mangincahi tu Debata nada marnamantak!

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.

HARURUAR 16:28

Dung i didok Tuhan ma tu si Musa, “Sadia honok nari hamu manulak mangoloi parentangKu?

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

PODA 1:21

Manggora-gora do i di angka pintu horbangan dohot di angka inganan parpungu-punguan.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 21:24

Jolma na oto jana siginjang roha sai mangincahi do i jana pamalo-malohon.

PODA 22:3

Monjap do halak na marroha muda diida ro jaya; anggo halak na bodo sai mardalan do torus gabe marmara.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”