PILIPPI 4:9 - BIBEL JAMITA NA DENGGAN

⁹ Jana sanga aha na dung niguruhon jana nijagitmunu, dohot sanga aha na dung nibege jana niidamunu sian au, karejohon ma i; gabe donganan ni Debata mual ni hasonangan i ma hamu.

PILIPPI 4:9 Referans Kwoze

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

PILIPPI 3:17

Hamu angka dongan sudena! Tiru hamu ma au. Madung hami patuduhon tiruan na tigor, jadi denggan ma parrohahon hamu sanga ise angka na mangihutkon tiruan na hami baen i.

2 PETRUS 1:10

Hara ni i hamu ale angka dongan, mur haburjuhon hamu ma markarejo anso mur togu pamioon ni Debata dohot panodoonNia tu hamu. Muda dipatulus hamu songon i, nada jadi be madabu hamu.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

PILIPPI 4:7

Hasonangan ni Debata na sumurung sian sude roha, manjagahon roha dohot pikiranmunu di bagasan Kristus Jesus.

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MATEUS 7:21

“Nada sude halak na mamiohon Au, ‘Tuhan, Tuhan’, giot masuk tu Harajaan Ni Banua Ginjang. Tapi hum halak na patuluskon hagiot ni Damang na di banua ginjang i do.

2 TESSALONIKA 3:4

Jana pos situtu do rohanami tu Tuhan taringot tu hamu, paboa na nipatulusmunu do sanga aha na hami dokkon tu hamu, jana pupuonmunu do patupahon i.

1 TESSALONIKA 1:6

Madung gabe ditiru hamu tiruannami dohot tiruan ni Tuhan i. Haru pe markancit situtu hamu, laing dijagit hamu do hata i mardongan jop ni roha. Tondi Parbadia do na mangalehen jop ni rohamunu i.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

SURAT NI SI PAULUS TU PARLAGUTAN ROM 15:33

Sai di dongani Debata pardenggan basa i ma hamu angka dongan sudena. Amen.

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

LUKAS 8:21

Tapi didok Jesus ma tu halahi sude, “Angka halak na umbege hata ni Debata jana na mamarangehonsa, i do Dainang dohot anggingKu.”

1 TESSALONIKA 2:14

Jana hamu pe angka dongan, madung ditiru hamu angka parlagutan ni Debata, arta ni Kristus na di Judea. Hamu pe madung ditaon hamu parkancitan sian dongan sabangsomunu sandiri laing songon na nitaon ni angka parlagutan ni Debata na di Judea sian angka halak Jahudi.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

1 KORINTUS 14:33

Na mangkagioti na taratur do anggo Debata; nada na mangkagioti hagaoron. Angke nada dihagioti Debata anggo hagaoron, tapi hasonangan i do.

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

1 KORINTUS 4:16

Hara ni i gomos ma hupangido tu hamu, au ma tiru hamu.