PILIPPI 4:20 - BIBEL JAMITA NA DENGGAN

²⁰ Sai tapuji ma Debata Amanta i salolot-lolotna! Amen.

PILIPPI 4:20 Referans Kwoze

SURAT NI SI PAULUS TU PARLAGUTAN ROM 11:36

Angke sian Ia, jana markite-hite Ia, jana tuSia do sudena na adong. DiSia ma hasangapan ro di salolot ni lolotna! Amen.

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 7:12

Pio-pio ma halahi, “Amen! Puji-pujian dohot hasangapan, dohot habisuhon dohot hatarimakasion dohot hagogoon ma di Debatanta salolot ni lolotna! Amen!”

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”

HALUMBAAN 1:6

Madung dibaen Ia do hita gabe sada harajaan anso laing gabe malim hita na markarejo di Debata AmaNa i. DiSia ma hasangapan dohot kuaso ro disalolot ni lolotna. Amen!

JUDAS 1:25

Di Debata na sasada i, Sipalua hita markite-hite Jesus Kristus, Tuhanta i, diSia ma hasangapan, hagodangan, hagogoan dohot kuaso sian mula ni mulana, saonnari ro di salolot ni lolotna! Amen.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

EPESUS 3:21

Sai dipasangap parlagutan i ma nian Debata marsundut-sundut markite-hite Jesus Kristus. Tarpuji ma Debata salolot-lolotna! Amen.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

PILIPPI 4:23

Sai ibo ma roha ni Tuhan Jesus Kristus, dipasupasu ma hamu sudena.

SURAT NI SI PAULUS TU PARLAGUTAN ROM 16:27

Hum sasada Ia sajo do Debata na sun pistar. Sai marsangap situtu ma Ia salolot-lolotna markite-hite Jesus Kristus i! Amen.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,