PILIPPI 2:6 - BIBEL JAMITA NA DENGGAN

⁶ Anggo satutuna sarupa do Ia dohot Debata, tapi dihilala Ia nada pola angkon sai partahankononNia haDebataanNia i.

PILIPPI 2:6 Referans Kwoze

JOHANNES 5:18

Angka pandohan ni Jesus i ma mambaen mur dirohai angka pamimpin ni halak Jahudi i giot mamunu Ia. Nada hum hara ni na mangalanggar tona ni ugamo sajo, i ma taringot tu Ari Sabat umbaen na songon i dibaen halahi, tapi dohot do muse hara ni hataNia na mandok AmangNia Debata; astuanna disarupahon Ia ma Ia dohot Debata.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

JOHANNES 17:5

Amang! Pasangap ma Au saonnari markite-hite hasangapan na Hujagit rap dohot Ho dompak so dijadihon dope portibi on.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

JOHANNES 10:30

Sada do Au dohot Damang.”

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

JOHANNES 10:33

Dialusi angka parkuaso i ma, “Umbaen na giot danggurannami Ho, nada hara ni angka karejoMu na denggan i, tapi hara ni na nipabileMu do Debata! Jolma humani do Ho antong hape dioku Ho diriMu songon Debata!”

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.