PILIPPI 2:10 - BIBEL JAMITA NA DENGGAN

¹⁰ Anso marsinggang ma di bagasan goar ni Jesus, sandok na di banua ginjang, na di tano on dohot na di toru ni tano on.

PILIPPI 2:10 Referans Kwoze

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

EPESUS 3:14

Hara ni i ma umbaen na marsinggang au di adopan ni Ama i.

HALUMBAAN 4:10

manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

MATEUS 27:29

Didandan halahi ma duri-duri gabe tuku, dipamasuk halahi ma i tu ulu ni Jesus. Dilehen halahi ma sada tungkot tu tanganNia. Marsomba ma halahi di joloNia palayas-layaskon. “Santabi ma di Ho ale Raja ni halak Jahudi!”

HALUMBAAN 20:13

Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.

EPESUS 4:9

Jadi muda didok “manaek Ia” astuanna na dung mijur hian do Ia lopus tu inganan na partoru situtu di tano on.

SURAT NI SI PAULUS TU PARLAGUTAN ROM 11:4

Tapi bia do alus ni Debata tusia? “Hutinggalkon dope pitu ribu halak di Au, na so unjung marsomba tu Baal.”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

PAMUNGKAAN 41:43

Laing dipasahat raja i ma tu si Josep kareta harajaan nomor dua pakeonnia dohot pangawal hasangapan ni raja i pe mardalan ma di jolo ni kareta i, marsurak ma halahi, “Loas hamu dalan i! Paloas hamu dalan i!” Songon i ma si Josep diangkat gabe gubernur di tano Mesir sude.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

HALUMBAAN 5:3

Hape nada adong sahalak pe na sanggup mangungkap karotes na nibalun i laho mangaligi tu bagasanna, bope na di banua ginjang bope na di tano dohot na di toru ni tano dope.