PILIPPI 1:23 - BIBEL JAMITA NA DENGGAN

²³ Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

PILIPPI 1:23 Referans Kwoze

2 KORINTUS 5:8

hara ni i do umbaen na sobar rohanami. Jopan do rohanami sugari malua nian sian bagasan pamatang on, anso tarbaen hami sainganan dohot Tuhan.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

BAENON NI ANGKA RASUL 7:59

Di na nidangguran ni halahi si Stefanus, pio-pio ma ia ning ia ma, “Ale Tuhan Jesus, jagit ma tondingku!”

LUKAS 23:43

Gabe didokkon Jesus ma tusia, “Tutu do na Hudok on tu ho, sadari on rap ma ho dohot Au di Pirdaus.”

2 TIMOTEUS 4:6

Anggo taringot tu au, madung dapot hatihana mate au songon haul tu Debata. Santongkin nari tadingkononku ma portibi on.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

MASMUR 49:15

Tapi anggo au paluaon ni Debata noma, paluaonNia do au sian hamatean.

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

LUKAS 12:50

Laing adong dope pandidion na angkon sidalananKu. Jana susa sajo dope rohangKu salolot so tulus dope i.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

LUKAS 8:38

Dung i gomos ma dipangido bayo na nitadingkon ni tondi na jahat i anso laing tola ia rap dohot Jesus. Tapi disuru Jesus ma ia kehe, ninna ma,

1 TESSALONIKA 2:1

Hamu ale angka dongan! Tangkas do diboto hamu nada sayang boti haroronami mandapotkon hamu.

2 KORINTUS 6:12

Talak do andoranami maradopkon hamu, tapi hum hamu do na pasompit rohamunu maradopkon hami.

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

PILIPPI 1:24

tapi hara ni na pasari-sari hamu gabe dumenggan dope au laing mangolu di tano on.