PARJAMITA 9:8 - BIBEL JAMITA NA DENGGAN

⁸ Padiar ma jeges bohimu jana tata.

PARJAMITA 9:8 Referans Kwoze

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

DANIEL 10:3

Nada hupangan panganon na tabo, juhut dohot anggur nada masuk tu pamanganku jana nada marsuri au lopus gok tolu minggu honokna.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

RUT 3:3

Jadi hara ni i maridi ma ho, pake ma pakeanmu na jegesna i jana baen ma saotik miak wangi. Dung i kehe ma ho tu inganan ni si Boas na mambanting burir-burirna i. Disi ma ho lopus sidung ia mangan dohot minum. Tapi ulang jabat habotoan tusia na disi ho.

MATEUS 6:17

Tapi anggo hamu, muda puaso, paias ma bohimunu, marsuri hamu.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

LUKAS 7:46

So adong dibaen ho miak tu ulungKu, hape anggo anak boru on miak na huskus do diusehon ia tu patKu.