PARJAMITA 7:9 - BIBEL JAMITA NA DENGGAN

⁹ Ulang mura biraraon; hum halak na oto do na patiop-tiop hosom.

PARJAMITA 7:9 Referans Kwoze

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

PODA 14:17

Na bodo do halak na momo muruk, tapi sabar do halak na bisuk.

PODA 16:32

Lumambat muruk dumenggan dope i sian na markuaso; mangarajai diri gumonan dope sian na patalu kota.

MARKUS 6:19

Hara ni i ma umbaen na gabe hosom roha ni si Herodias mida si Johannes. Tapi inda tarbaen ia na di rohania i, angke sai disundati si Herodes.

JUNUS 4:9

Tapi didok Debata ma tusia, “Nada didalanna gabe songon i arsakmu hara ni suan-suanan i!” Didok si Junus ma mangalusi, “Biasi nada? Dalanna ma da au muruk sajo lopus mate.”

2 SAMUEL 19:43

Dialusi halak Israel i ma, “Sampulu lompit haknami gumodang di raja i ulang hamu, haru pe dumonok hamu tu raja i. Biasi palayasonmunu hami? Ulang hamu lupa, hami ma parjolo mangusulkon anso dioban raja i mangulahi!” Tapi kumaras dope halak Juda i sian halak Israel jana nada ra halahi talu.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

MARKUS 6:24

Dung i haruar ma anak boru i manyapai inangnia i, “Ate he inang! Aha do na dumenggan sipangidoonku?” ning ia. Dialusi inangnia i ma, “Ulu ni si Johannes Pandidi i ma pangido.”

2 SAMUEL 13:32

Tapi ro ma si Jonadab anak ni si Simea angkang ni si Daud i mandok, “Ulang ganggu raja i, jana ulang diambang roha ni raja i na dung mate sude anak ni raja i. Hum si Amnon do na mate, harana anggo i madung torang do, i ma na nihagiotan ni si Absalom mamungka sian na nibaen ni si Amnon na so patut tu si Tamar ibotonia i.

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PARJAMITA 7:10

Ulang nisapaan, ‘Biasi dumenggan hatiha najolo umpado saonnari?’ Hum halak na oto do na marsapa songon i.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”