PARJAMITA 7:5 - BIBEL JAMITA NA DENGGAN

⁵ Gumonan do digorahon halak na marsinaloan umpado mambege ende ni halak na oto.

PARJAMITA 7:5 Referans Kwoze

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

PODA 13:18

Jolma na so ra ajaran gabe marpogos jana marlayas, halak na mangargahon sipaingot dipasangap donganna.

PODA 27:6

Anggo dongan dohot holong do mamukul, tapi anggo musu dohot rasun do manghaol.

PODA 17:10

Ummarga do sanoli digorahon di halak na marroha ulang pado disambok saratus noli di halak na oto na so ra mangarti.

PODA 13:13

Sanga ise na manulak poda mananggung resikona, tapi sanga ise na mangoloi parenta, dapotan upa do ia.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

MASMUR 69:12

Gabe sihata-hataan ma au di parluhutan ni halak, diendehon angka parmabuk ma salaho tu iba.

PODA 6:23

Angke songon palito do poda i; jana dalan hangoluan sipaingotna.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PARJAMITA 7:4

Sai torus do halak na oto mangkojar hasonangan. Halak na pistar sai mamikirkon hamatean.

PARJAMITA 9:17

Gumonan do pabege-bege hata taringot tu halak na pistar umpado parsurak ni sada parkuaso di tonga-tonga ni angka jolma na oto.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.