PARJAMITA 7:13 - BIBEL JAMITA NA DENGGAN

¹³ Parrohahon ma parkarejoan ni Debata. Harana ise ma he na tarbaen patigorkon sanga aha na nipageldok ni Debata?

PARJAMITA 7:13 Referans Kwoze

PARJAMITA 1:15

Na peol nada tarpatigor, jana na so adong nada taretong.

JOB 12:14

Sanga aha na nibungkarNia nada be tarpajongjong mangulahi, sanga ise na nitabanNia nada be tarpaluai.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

JESAYA 14:27

Madung putus roha ni Tuhan Na Markuaso i laho patupahon songon i. Hortang do tanganNia hobas laho manguhumi, jana nada adong sahalak pe na bolas manyundati Ia.

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

SURAT NI SI PAULUS TU PARLAGUTAN ROM 9:19

Saonnari giot dokkononmunu ma tu au, “Muda songon i, aha dope na dipasalaNia? Angke ise dehe na mangalo hagiotNia?”

SURAT NI SI PAULUS TU PARLAGUTAN ROM 9:15

Angke didok Debata do tu si Musa, “PatuduhononKu ma denggan ni rohangKu sanga na tu ise giot patuduhononKu denggan ni rohangKi, jana patuduhononKu ma asi ni rohangKu sanga tu ise giotku patuduhononKu asi ni rohangKi.”

JESAYA 43:13

“Satorusna Au do tongtong Debata, jana nada adong na bisa paluahon sian tanganKu. Au na mambaenna, ise ma he na bisa manyundati?”

JOB 37:14

Pahohom ma da jolo Job santongkin jana tangihon ma; parrohahon ma angka hahomangan ni Debata.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

JOB 11:10

Muda ditangkup Ia ho jana ditogu tu paruhumanNia, gabe ise ma na puluk mangambatisa?

JOB 9:12

Muda mangarampasi Ia, ise ma he na puluk mangararang Ia? sanga na barani marsapa, ‘Na mambaen bia do Ho?’

PARJAMITA 8:17

nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.

LUKAS 12:26

Muda so tarpatupa hamu do salang na songon i menekna, biasi ra hamu mangholoskon angka na asing-asing i?