PARJAMITA 7:1 - BIBEL JAMITA NA DENGGAN

¹ Gumonan do goar na huskus umpado miak sigodang arga; jana dumenggan do ari hamamate sian ari hatutubu.

PARJAMITA 7:1 Referans Kwoze

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

PODA 22:1

Ummarga do goar na denggan ulang pado hakayoon, jana dumenggan do di haholongi ulang pado sere sanga perak.

PARJAMITA 4:2

Mangiburu do au marningot angka halak na dung honok marujung ngoluna harana martuaan do halahi ulang pado na mangolu.

2 KORINTUS 5:8

hara ni i do umbaen na sobar rohanami. Jopan do rohanami sugari malua nian sian bagasan pamatang on, anso tarbaen hami sainganan dohot Tuhan.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

PARJAMITA 10:1

Bangke ni sada lanok pabusukkon sabotol miak na huskus, haotoon na saotik mangagohon bisuk na gincat.

PODA 27:9

Miak na huskus dohot na muap-uap pasonang roha; hadengganan ni dongan marmual sian roha.

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

PODA 15:30

Mata na marsinondang pasonang roha, jana barita na denggan pahoras daging.

JOB 3:17

Di adu, di situmandok an, parjahat nada be mambaen hajahatan, jana parkarejo na abis gogo, tarbaen ma maradian jolo.

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

MASMUR 133:2

Tudos do i tu miak na huskus na diduruskon tu ulu ni si Harun. pola mijur maneteki tu jubana.

IBRANI 11:39

Na godang do hamonangan na dapot ni sudena halahi hara ni haporsayaanna i! Tapi haru songon i pe laing na so nijagit ni halahi dope anggo na nijanjihon ni Debata,

IBRANI 11:2

Hara ni na porsaya, gabe jop do roha ni Debata mida angka jolma narobi.

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

ENDE NA GODANG 4:10

Tabo ni holongmi ale tunanganku, tumabo do holongmi sian anggur; humuskus do miak na dipakemi sian sude rempah-rempah!

PARJAMITA 7:8

Dumenggan do ujung ni sada pangalaho umpado parmulaanna. Gumonan do hasobaron umpado ginjang ni roha.

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

RUT 3:14

Jadi modom ma si Rut disi di lambung pat ni si Boas. Tapi sogot sajo dope ngot ma si Rut taran golap dope anso ulang adong halak midaan ia. Angke giot ni si Boas ulang adong sahalak pe na umboto bahaso na ro si Rut tu inganan i.

PODA 25:10

Angke gabe dicap do ho muse siruak baba jana goarmu pe hodar sapanjangna.