PARJAMITA 6:11 - BIBEL JAMITA NA DENGGAN

¹¹ Mur honok ia manjua, mur so mararti do hata na nidokna, mur so adong do sanga aha untungnia.

PARJAMITA 6:11 Referans Kwoze

PARJAMITA 4:16

Nada taretong bahat ni rayat na nipimpinnia, tapi muda mijur ia sian habangsa i, nada adong na mandok tarimakasi marningot na denggan na nibaennia. Tutu do, magopo do sudena songon karejo na manangkup angin.

PARJAMITA 5:7

Songon nipi bahat na so adong artina, laing songon i muse ma na so marguna bahat hata-hata. Tapi habiari ma Tuhan.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

MASMUR 73:6

I ma da dalanna umbaen na gakgak halahi, jana sai mangasa gogo di pambaenanna i.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

PARJAMITA 6:10

Sasudena na adong, na dung adong do i sian najolo. Taboto do, na so tarjua jolma halak na gumogo sian ia.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?