PARJAMITA 3:2 - BIBEL JAMITA NA DENGGAN

² Adong do hatihana tubu, dohot hatihana mate, adong do hatihana manyuan, dohot hatihana mambuat suha.

PARJAMITA 3:2 Referans Kwoze

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

JOB 14:5

Na dung nitontuhonMu do umur ni jolma dipastihon Ho do bilangan ni bulanna. Ditontuhon Ho muse angka batas ni ngoluna na so tarbaen be i salpuannia.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

LUKAS 1:20

Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

MATEUS 15:13

Dialusi Jesus ma, “Sude suan-suanan na so nisuan ni Damang na di banua ginjang i, angkon niumpat dohot urat-uratna.

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

JOB 7:1

Songon ngolu ni tentara do da ngolu ni jolma, dokdok, sorat songon hatoban di ngoluna,

BAENON NI ANGKA RASUL 7:20

Di hatiha i ma sorang si Musa; tama do ia di adopan ni Debata. Tolu bulan lolotna sai di bagas ni amangna dope ia dipature-ture,

BAENON NI ANGKA RASUL 7:17

Dung marayak dapot ma hatihana patuluson ni Debata janjiNia i tu si Abraham, madung mur martamba bahat bangsonta i di Mesir.

JOHANNES 7:30

Jadi dirohahon halahi ma giot manangkup Ia, tapi inda adong na puluk manjama Ia, angke nada dapot dope hatihaNa.

LUKAS 1:36

Jana parate-atehon ma on: Si Elisabet edami pe madung pola onom bulan denggan pamatangnia haru pe didok halak ia na so maruntungan boti umurnia pe madung ginjang.

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

JEREMIA 45:4

Ale Barukh! Au Tuhan na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JESAYA 54:1

Marsurak-surak ma, o ale na so maruntungan, na so jungada manyorangkon! Marjop ni roha jana marsurak ma ho marmoga-moga, ale ho na so jungada manaon parhancitan i. Harana umbahat do dakdanak ni na so marhalaklahi sian na marhalaklahi, ninna Tuhan.

JESAYA 38:5

“Kehe ma ho jana dok ma tu si Hiskia: Songon on do hata ni Tuhan, Debata ni si Daud, ompumunu i: Madung Hubege tangiangmu jana Huida ilu ni matamu. Sapetona paginjangonKu dope ngolumu lima bolas taon nari.

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

JOB 14:14

Angke muda mate jolma i, tarbaensa ma he mangolu mangulahi? Sian ari tu ari au sai tarpainte lopus ari-ari hapaetanku solpu pate.

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

1 RAJA-RAJA 13:2

Diparentahon Tuhan ma anso marsurak panurirang i tu langgatan i, “O langgatan, o langgatan! Songon on ma didok Tuhan, ‘Sorang ma sada anak na margoar si Josia di tonga-tonga ni horong ni si Daud. Bunuonnia ma di ginjangmon angka malim na pature langgatan ni angka debata na asing dohot na manghaulkon haul di ginjangmu. Jana laing di ginjangmon ma tutungonnia angka holi-holi ni halahi.’ ”

1 SAMUEL 2:5

Halak na butongan hian najolo i hara ni sipanganon na marlobi. Saonnari gabe pangomo-omo hum anso dapotan sipanganon sajo. Halak na tangkuraparon najolo, saonnari marsonang-sonang, tuk panganonna. Dadaboru na so maruntungan, saonnari marhamogaan, manubuhon pitu dakdanak! Hape anggo ina sibahat anak, ditadingkon, dipadiar marsak.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 17:21

Tapi anggo parjanjianKi, dohot si Ishak do pudunonKu, i ma anakmu na giot tubuhonon ni si Sara taon naro tarsongon on ma hatihana.”

PODA 24:27

Ulang marrumahtangga, anggo so jolo diparade ho ladangmu jana adong pancarianmu.

JESAYA 28:24

Ganop ari do rupa halak mangungkap, mamalik jana paiaskon tano na laho marsuan?