PARJAMITA 2:3 - BIBEL JAMITA NA DENGGAN

³ Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

PARJAMITA 2:3 Referans Kwoze

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

PARJAMITA 7:25

Haru songon i pe torus do au marsiajar dohot manjalahi parbinotoan, anso dapotan bisuk dohot alus di sude parsapaan. Boti anso mangarti iba bahaso haotoan do dosa jana hajungkaton do hajahatan.

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

JOB 14:14

Angke muda mate jolma i, tarbaensa ma he mangolu mangulahi? Sian ari tu ari au sai tarpainte lopus ari-ari hapaetanku solpu pate.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

HAKIM-HAKIM 9:13

Tapi dialusi bona ni anggur i ma, ‘Dia ma he gabe mantak au parohon anggur na pasonangkon roha ni Debata dohot jolma, hum patunda ni na gabe rajamunu!’

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.