PARJAMITA 2:18 - BIBEL JAMITA NA DENGGAN

¹⁸ Sude suha ni parkarejoanku dohot pandapotku so adong gunana di au, harana angkon tadingkononku do i di na manggontihon au.

PARJAMITA 2:18 Referans Kwoze

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

1 KORINTUS 3:10

Hara ni hamaloon na nilehen ni Debata di au, songon tukang bagas na malo madung sidung hubaen ojahan ni bagas i, jana halak na asing do pajongjongkon bagas di ginjang ni ojahan i. Angkon jolo tangkas do parrohahonon ni tukang i sanga songon dia bagas na giot pajongjongonnia i di ginjang ni ojahan i.

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 4:3

Tapi na gumodang dope tuana muse, i ma angka jolma na so sorang dope, harana nada diida halahi dope hajahatan na dikarejohon di tano on.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 1:13

Hupasada do rohangku laho manangkasi dohot marsiajari sude na masa di tano on. Sun do dangolna jambar na dilehen ni Debata tu hita.

PARJAMITA 1:3

Markarejo hita salolot mangolu, maradu hodohan. Hape dia ma suhana na tarhagodangkon hita?

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 2:21

Harana marsitutu do jolma karejo mamake sude habisuhon, parbinotoan dohot sinaloanna laho parayak sanga na aha. Hape di ujungna angkon tadingkononnia do sude suha ni halolojana i tu halak na so jungada hodohan saotik pe salaho tusi. Jadi, i pe laing magopo do, jana gabe hasusaan godang!

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.