10 Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.
Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.
Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.
Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.
Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.
Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.
Dung i mulak ma ia jana didok ia ma tu amang dohot inangnia, “Por rohangku mida sada bujing-bujing boru Pilistin di Timna. Pangidoanku kehe ma amang dohot inang manyapaisa di au.”
Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.
Barang ise na impol rohana tu hepeng, nada tarpapuas dohot hepeng, jana barang ise na impol rohana tu sinadongan, nada tarpapuas dohot pandapotanna. On pe magopo do.
Huhul dilehen Debata hamoraon, hasangapan dohot sinadongan tu sada-sada halak, jabat nada adong be por ni rohania. Hape nada dipaloas Debata ia mandai sude na nilehenNa i. Sabalikna do, halak na asing do na mangarasoi dai ni hamoraan i. Jadi magopo do sudena i jana nada tigor.
Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.
Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.