PARJAMITA 11:2 - BIBEL JAMITA NA DENGGAN

² Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

PARJAMITA 11:2 Referans Kwoze

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

JOB 5:19

Muda ro mara pangondam, sai na marpupu do ho nipalua.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.

EPESUS 5:16

Parkasayahon hamu ma sude hatiha na denggan na adong di hamu, angka na jahat do na masa di hatiha on.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

LUKAS 17:4

Muda pitu noli ia mardosa tu ho di bagasan sadari jana ganop noli ia ro tu ho mandok, ‘Mangido maap ma au,’ ampuni ma ia.”

MATEUS 18:22

Dialusi Jesus ma, “Ingot ma! Nada hum pitu noli sajo. Tapi pitu pulu noli pitu!

MATEUS 5:42

Muda adong halak na mangido bagi aha tu ho, lehen sajo ma songon i. Ulang pola tulak halak na giot manginjam sanga aha sian ho.”

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PARJAMITA 11:3

Sanga na sundung tu dia pe hayu marumpak, totop do i di inganan hadabuanna i payak. Muda marisi aek do ombun i jabat sorat, udan pe madabu ma tu tano maradu por.

PARJAMITA 11:8

Dokkon ma tarimakasi muda martamba umurmu. Tapi ingot ma, haru lolot pe ho mangolu di tano on, lumolot dope ari-arimu di bagasan hamatean. Jadi, aha dope lakna siaropon ni rohanta? Parcuma do sudena i jana magopo.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”