PARJAMITA 11:1 - BIBEL JAMITA NA DENGGAN

¹ Danggurkon ma rotimu tu aek, jadi dung lolot dapot ho ma i muse.

PARJAMITA 11:1 Referans Kwoze

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

2 KORINTUS 9:6

Timbang hamu ma jolo! Anggo halak na manyuan same saotik, otik muse do suha ni i buatonna. Tapi anggo halak na manyuan bahat same, laing bahat ma muse buatonna suha sian i.

JESAYA 32:20

Martua ma sudena halak na manabur di lambung ni batang aek, jana na bidang jampalan ni halode dohot lombuna.

LUKAS 14:14

jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

PODA 11:18

Halak na jahat nada pasti hauntunganna; halak na denggan pasti pasupasuonna.

MATEUS 10:13

Muda dijagit halak na di bagas i do hamu, lohot ma tu halahi hata horas-horasmunu i, tapi muda nada tumbuk mulak ma tu hamu hata horas-horasmunu i.

2 SAMUEL 17:29

aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

PARJAMITA 3:6

Adong do hatiha laho padapotkon dohot hatiha agoan; hatiha laho pasimpankon dohot hatiha marabur-abur.

MATEUS 25:17

Laing songon i muse ma na manjagit dua ribu hepeng perak i, maruntung ma ia dua ribu hepeng perak.