PARJAMITA 10:14 - BIBEL JAMITA NA DENGGAN

¹⁴ Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

PARJAMITA 10:14 Referans Kwoze

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PARJAMITA 8:7

Umpe sahalak na mamboto sanga aha bagian sipainteon, jana nada adong na malo mandok sanga aha na giot tarjadi.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

PARJAMITA 5:3

Harana songon nipi na ro hara ni bahat ni halojaan, songon i muse ma hata na oto ro hara ni bahat ni pangkataion.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PODA 10:19

Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.

JOB 35:16

Nada adong be da gunana pupuonmu hatami; torang do na so diboto ho sanga aha na nidokmi.

JOB 34:37

Tamba muse dope sada nari dosa di hasalaannia; mangalo do ia antong tu Debata, jana dipalayas Ia di jolonta.

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

PARJAMITA 9:1

Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

PARJAMITA 10:15

Hum na mangalojai dirina do karejo ni halak na bodo; nada diboto ia anggo dalan tu kota.

JEHESKIEL 35:13

Ale bangso Edom, siruak pamangan do hamu jana bulbul pangkulingmunu tu Au. Na dung Hubege do sudena i.