PARJAMITA 1:2 - BIBEL JAMITA NA DENGGAN

² Didok Parhapistaran i do: Magopo do sasudena jana nada marguna! Parcuma do ngolu i, nada adong artina sudena.

PARJAMITA 1:2 Referans Kwoze

MASMUR 144:4

Tudos tu sangombus alogo sajo do da jolma i, songon halinu na mamolus, songon i ma ngolu ni halahi.

SURAT NI SI PAULUS TU PARLAGUTAN ROM 8:20

Harana madung dipatunduk sude na nitompa i tu na so hasaya, nada nian hara ni por ni rohana, tapi hara ni hagiot ni Debata na patundukkon i do. Tapi laing adong dope arop ni roha on:

PARJAMITA 5:10

Barang ise na impol rohana tu hepeng, nada tarpapuas dohot hepeng, jana barang ise na impol rohana tu sinadongan, nada tarpapuas dohot pandapotanna. On pe magopo do.

PARJAMITA 12:8

Ningku, tutu do, magopo do i sudena, parcuma sudena nada adong artina.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 2:19

Jana ise ma na umbotosa sanga na pistar ia sanga oto? Haru pe songon i laing ia ma na gabe panean di suha ni karejongku na dapot au salolot ngolungku di tano on parbatu ni halolojangku dohot habisuhonku. Jadi, i pe laing magopo do.

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 2:23

Sanga aha na nikarejohonnia salolot di ngolunia, parohon pardangolan do i dohot hancit ni roha disia. Dompak borngin pe susa do rohana. Jadi na magopo do sudena i.

PARJAMITA 2:17

Hara ni i, nada adong arti ni ngolu on di au, harana hum na parohon hasusaan do di au sude na masa di tano on, nada adong asing sian i. Sude do magopo; hum songon na manangkup angin sajo do.

PARJAMITA 11:8

Dokkon ma tarimakasi muda martamba umurmu. Tapi ingot ma, haru lolot pe ho mangolu di tano on, lumolot dope ari-arimu di bagasan hamatean. Jadi, aha dope lakna siaropon ni rohanta? Parcuma do sudena i jana magopo.

PARJAMITA 6:11

Mur honok ia manjua, mur so mararti do hata na nidokna, mur so adong do sanga aha untungnia.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

PARJAMITA 2:21

Harana marsitutu do jolma karejo mamake sude habisuhon, parbinotoan dohot sinaloanna laho parayak sanga na aha. Hape di ujungna angkon tadingkononnia do sude suha ni halolojana i tu halak na so jungada hodohan saotik pe salaho tusi. Jadi, i pe laing magopo do, jana gabe hasusaan godang!

PARJAMITA 11:10

Paorot ma ganggu dohot susa sian rohamu, angke tibu do salpu haposoonmu.

PARJAMITA 4:16

Nada taretong bahat ni rayat na nipimpinnia, tapi muda mijur ia sian habangsa i, nada adong na mandok tarimakasi marningot na denggan na nibaennia. Tutu do, magopo do sudena songon karejo na manangkup angin.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

JOB 11:12

Muda bisa halode manubuhon jolma, baru pe bisa halak na bodo gabe marbisuk.

MASMUR 89:47

Ingot ma pendek ni umurnami, songon mahluk parsantongkinan do ditompa Ho hami.

PARJAMITA 2:8

Hupalagut do perak dohot sere na dapot au sian angka raja dohot angka luat. Dipasonang angka parende halaklahi dohot dadaboru do rohangku marhite angka ende ni halahi. Adong muse do di au angka boru sipakeonku sanga sadia bahat por ni rohangku.