PANGARATAION 9:29 - BIBEL JAMITA NA DENGGAN

²⁹ Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

PANGARATAION 9:29 Referans Kwoze

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

MASMUR 95:7

Angke Ia do antong Debatanta, bangso na niparmahananNia do hita, songon biri-biri na nitogu-toguNia. Jadi saonnari tangihon ma soraNia:

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

JESAYA 63:19

Songon dia ma na so bangsoMu be hami songon na so mamarenta be Ho tu hami.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

MASMUR 77:15

Marhite hagogoanMu dipalua Ho bangsoMu, i ma pomparan ni si Jakob dohot si Josep.

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 136:12

marhite tangan na gogo jana na marsahala, hot do holong ni rohaNia sapanjangna.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

PANGARATAION 9:12

Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

PANGARATAION 32:9

Hape anggo pompar ni si Jakob on dipili Tuhan diSia sandiri antong.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.