PANGARATAION 9:18 - BIBEL JAMITA NA DENGGAN

¹⁸ Dung i manungkap au sanoli nari di jolo ni Tuhan di puncut ni dolok i opat pulu ari opat pulu borngin lolotna, nada mangan nada minum. Hubaen pe songon i hara ni na dung mardosa do hamu maradopkon Tuhan jana muruk Ia dibaen hamu.

PANGARATAION 9:18 Referans Kwoze

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

PANGARATAION 9:9

Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

2 SAMUEL 12:16

Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

PANGARATAION 10:10

“Opat pulu ari opat pulu borngin au di dolok i, songon na hubaen di na parjolo i. Ditangihon Tuhan dope au sanoli nari; jana Ia pe antong satuju ma nada pola pusaonNia be hamu.

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

PANGARATAION 9:17

Laing di inganan i dope, di jolo ni matamunu, hutombomkon batu siduakoping i lopus sarsar marhoping-hoping.

PANGARATAION 9:25

Gabe manungkap ma au di jolo ni Tuhan opat pulu ari opat pulu borngin, angke huboto do anggo Tuhan madung putus rohaNia laho mamusa hamu.

1 RAJA-RAJA 19:8

Jadi ngot ma si Elia lalu mangan jana minum lopus margogo ia jana lobas ia mardalan opat pulu ari lolotna tu Sinai, dolok inganan ni Tuhan i.

ESRA 10:6

Dung disumpahon halahi, kehe ma si Esra sian jolo ni Bagas Ni Tuhan jana masuk ma ia tu bagas inganan ni si Johanan anak ni si Elyasib jana marborngin disi ma ia. Nada ra ia mangan sanga minum hara ni marsakna mamikirkon parbuatan ni angka halak buangan i.