PANGARATAION 8:9 - BIBEL JAMITA NA DENGGAN

⁹ Anggo disi nada unjung tangkuraparon sanga hurangan hamu. Marisi bosi do batu karangna i jana sian angka dolok-dolokna i tartombang hamu do tumbaga.

PANGARATAION 8:9 Referans Kwoze

1 JUJUR TAON 22:14

Loja do huhilala palagut-lagutkon sere na 3.400 ton i dohot perak na 34.000 ton i, i ma sibaenon tu pambangunan ni Bagas Ni Debata i. Tamba ni i adong dope tumbaga dohot bosi na so taretong bahatna. Hayu pe dohot batu, madung singkop sude hubaen, tapi angkon laing tambaanmu dope i.

JOSUA 22:8

Dung i didok si Josua ma songon on, “Saonnari mulak ma hamu dohot maroban bahat sinadongan, bahat pahan-pahananmunu, bahat perak, sere, tumbaga dohot bosi jana bahat pakean. Antong, silehenonmunu do sanga aha na nirampasanmunu sian angka musumunu i tu angka dongan samargamunu.”

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

JOB 28:2

Sian bagasan tano dihuar do bosi, sian tumbaga didakdak do batu.

PANGARATAION 8:8

sada luat na gabe pambuatan ni gandum dohot bajaure, anggur, batu ni ara, batu ni dalimo, miak zetun dohot manisan.

PANGARATAION 8:10

Sandok sipanganon por ni rohamunu, rade do di hamu, jana mandok tarimakasi ma hamu tu Tuhan Debatamunu hara ni tano napu na dung nilehenNa i di hamu.”

HAKIM-HAKIM 18:10

Muda lalu hamu tusi, dapotonmunu ma disi bangso na so hurangan sanga aha pe, bidang do tano i, jana tuk do disi sanga aha giot ni rohaniba. I ma tano na dumenggan di tano on. Madung dilehen Tuhan i tu hamu.”

1 JUJUR TAON 22:3

Dipalagut ia ma bahat bosi laho mambaen paku dohot encel ni pintu horbangan hayu di bagas i. Tumbaga na dung marlagut pe madung bahat sajo, jabat nada be tartimbang.