PANGARATAION 7:5 - BIBEL JAMITA NA DENGGAN

⁵ Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

PANGARATAION 7:5 Referans Kwoze

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 34:13

Sabalikna do, angkon rumpakkononmunu angka langgatan ni halahi angka tugu ni gana-ganaan ni halahi be tabaonmunu do.

PANGARATAION 16:22

jana ulang pajongjong hamu muse tiang batu laho mamele debata na asing, dibaen magigi do Tuhan di pangalaho i.

PANGARATAION 9:21

Antong patung na nibaenmunu i – lombu sere – huambungkon noma tu api. Huropuk ma i jana hududa lopus lamot songon abuan, lalu huambungkon ma abuna i tu bagasan anak ni batang aek na mardalan sian dolok i.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

HARURUAR 32:20

Dung i dibuat ia ma anak ni lombu na nipature ni halahi i, ditutung ia ma tu api diduda ia ma lopus lamot, diduruskon ia ma tu aek jana disuru ia ma halak Israel manginumsa.

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

PANGARATAION 16:21

Muda mambaen sada langgatan hamu di Tuhan Debatamunu, ulang baen hamu di lambungna i patung hayu ni Debata Asera,

2 JUJUR TAON 14:3

Disingkirkon ia do angka langgatan ni bangso na asing dohot angka inganan parsombaan ni gana-ganaan. Disarsarkon ia do angka tugu ni debata jana diparrumpakkon ia do angka tiang ni Debata Asera.

JESAYA 17:8

Indada be mararop ni roha halahi tu suha ni parkarejoan ni halahi sandiri, i ma angka langgatan inganan panutungan ni dupa, dohot angka patung ni debata boru-boru Asera.

2 RAJA-RAJA 10:26

diparuar halahi ma gana-ganaan ni Baal i jana ditutung halahi.

1 JUJUR TAON 14:12

Marsilojong di ibana be ma tentara ni halak Pilistin i, nada jabat taroban halahi angka patung ni halahi. Dung i diparentahon si Daud ma anso ditutungi angka patung i.