PANGARATAION 7:14 - BIBEL JAMITA NA DENGGAN

¹⁴ Sian sasude bangso na di tano on, umpe sada na dapotan pasupasu na songon i godang songon hamu. Sian sude hamu dohot sandok pahan-pahananmunu, sada pe nada adong na so martamba bahatna.

PANGARATAION 7:14 Referans Kwoze

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

HAMALIMON 26:9

Hupasupasu pe hamu jana Hulehen bahat pomparanmunu. Sude na dung Hujanjihon tu hamu, angkon patulusonKu.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

MASMUR 115:15

Sai dipasupasu Tuhan ma hamu nian, sitompa langit dohot tano on!

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

BILANGAN 22:12

Didok Debata ma tu si Bileam, “Ulang kehe ho dohot halahi, dung i ulang burai halak Israel, angke madung Hupasupasu halahi.”

PANGARATAION 30:9

Sai mardohar ma hamu baenon ni Tuhan di sude na nikarejohonmunu; bahat ma dakdanakmunu jana bahat pahan-pahananmunu dohot hasil ni tanomunu. Songon jop ni rohaNia mangalehen hamakmuran di ompumunu, laing songon i do jop ni roha ni Tuhan mambaen hamu makmur.