PANGARATAION 5:33 - BIBEL JAMITA NA DENGGAN

³³ Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 5:33 Referans Kwoze

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

MASMUR 119:6

Muda huparrohahon sude parentaMu, gabe nada jabat maila be au.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

EPESUS 6:3

songon na nidok on, “Anso martua ho jana ginjang umurmu di tano on.”

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

PANGARATAION 11:9

Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 12:25

Muda dioloi hamu parenta i, sonang ma roha ni Tuhan jana sonang ma hamu dohot pomparanmunu.

PANGARATAION 12:28

Muda dihaburjuhon hamu ma patuluskon sudena i na dung huparentahon tu hamu, gabe na patulus na denggan ma hamu na tumbuk di Tuhan Debatamunu, jana gabe sonang ma hamu rap dohot pomparanmunu ro di salolot-lolotna.”

PANGARATAION 22:7

Anggo anakna i tola do buatonmunu, tapi anggo indukna i padiar ma habang, anso ginjang umurmunu jana sonang ngolumunu.

JEREMIA 42:6

Na denggan bope na jat, sai tangihononnami do sora ni Tuhan, Debatanta, paboa na dung hami suru ho tuSia, anso denggan hami hara ni na dung hami bege sora ni Tuhan, Debatanta.”

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PANGARATAION 8:1

“Sude aturan na Hulehen tu hamu sadari on, haburjuhon hamu ma mangoloi i, anso hot hamu mangolu, martamba bahat dohot maringanan di tano na nijanjihon ni Tuhan tu ompumunu.

PANGARATAION 29:8

tarampas tano ni halahi lalu tabagi-bagi di Marga Ruben dohot Gad dohot di Marga Manase deba gabe arta pusako ni halahi.

PANGARATAION 30:16

Muda holong rohamunu tu Tuhan Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni Tuhan Debata ma hamu di tano na so sadia honok nari be giot siingananmunu.

1 RAJA-RAJA 3:14

Jana muda burju ho mangoloi Au songon amamu si Daud, jana dipatulus ho angka uhumKu lehenonKu ma di ho umur na ginjang.”

2 RAJA-RAJA 17:37

Burju ma oloi hamu tongtong angka uhum dohot angka parenta na dung Husuratkon di hamu. Ulang marsomba hamu tu angka debata sileban,

1 JUJUR TAON 28:8

Dung i diuduti si Daud ma mandok, “Jadi saonnari hamu angka rayatku, di jolo ni Debatanta dohot di jolo ni parlagutan ni sude Israel bangso ni Tuhan on, hupangido dohot gomos, anso ihutkon hamu sandok na niparentahon ni Tuhan Debatanta i. Muda songon i, laing hamu ma nampuna luat na denggan on jana pateankononmunu ma on tu pomparanmunu salolot-lolotna.”

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

MASMUR 37:11

Halak na serep marroha, i do nampuna tano, na mangarasoi dame dohot hasonangan na tarlobi.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 37:29

Halak na daulat do nampuna tano teanan, jana manginganisa sapanjangna.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,