PANGARATAION 4:3 - BIBEL JAMITA NA DENGGAN

³ Diida hamu sandiri do sanga aha na nibaen ni Tuhan di Dolok Peor. Sandok halahi na marsomba Baal di inganan i, dipusa Ia do,

PANGARATAION 4:3 Referans Kwoze

HOSEA 9:10

Didok Tuhan ma, “Di mulana marsuo Au dohot Israel marjop ni roha do Au songon dia bayo na dapotan batu ni anggur di padang halongonan. Di na parjolo situtu Huida angka ompumunu, sonang noma rohangKu songon halak na marnida patumonaan ni batu ni ara. Tapi di na kehe halahi tu Dolok Peor, mamungka ma halahi marsomba Baal, jadi gabe hodar ma halahi songon debata na nihaholongan ni halahi i.

JOSUA 22:17

Adong he na so diingot hamu be lakna dosanta na di Peor? Hona uhum hita dibaen Tuhan marhite sada bala, haru pe hita bangsoNia sandiri! Salang lopus tu sadari on pe laing tataon panginonaanna. Laing na so tuk dope i lakna?

BILANGAN 31:16

Nada he diingot hamu, angka dadaboru i do na mangihutkon sipaingot ni si Bileam. Dielek-elek halahi halak Israel maninggalkon Tuhan di Peor, jana hara ni i do dibaen na diparo Tuhan hamatean di tonga-tonga ni halak Israel.

BILANGAN 26:64

Sian halak na nidaftar ni si Musa dohot si Harun na di Parhorsihan Sinai i, sahalak pe nada adong be na mangolu.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

JEHESKIEL 20:18

Tapi sabalikna, Hupaingot ma angka bagian na umposo sian halahi, Hudok songon on, ‘Ulang ma ihutkon hamu angka aturan na nibaen ni angka ompu na umpompar hamu. Ulang tiru hamu hasomalan ni halahi jana ulang ramun baen hamu dirimunu marhite na dohot marsomba angka debata ni halahi.

PANGARATAION 11:7

Olo tutu, hamu ma na dung marnida dohot matamunu sandiri sude hahomangan i na dung dibaen Tuhan.”