PANGARATAION 33:25 - BIBEL JAMITA NA DENGGAN

²⁵ Angka hutana pe dijagoi pintu bosi anso mangolu ia di bagasan dame humani.”

PANGARATAION 33:25 Referans Kwoze

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

KOLOSSE 1:11

Sai dipatogu kuaso na sian Debata na gumodang i ma nian hamu, anso tahan hamu manaonkon sanga aha pe na ro, di bagasan sobar dohot jop ni roha

JESAYA 40:29

Dipargogoi Ia halak na gale, dilehen Ia kuaso di halak na dae-dae.

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PANGARATAION 32:47

Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”

PANGARATAION 8:9

Anggo disi nada unjung tangkuraparon sanga hurangan hamu. Marisi bosi do batu karangna i jana sian angka dolok-dolokna i tartombang hamu do tumbaga.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

EPESUS 6:15

Haburjuon manjamitahon Jamita Na Denggan taringot tu hasonangan i, angkon i ma nian na gabe songon sipatumunu.

PAMUNGKAAN 49:20

Sian tano ni si Aser ma ro panganon na tabo. Patut parsaulian di raja-raja.

MASMUR 147:13

Dipatogu Ia do angka pintu ni horbanganmunu, jana dipasupasu Ia halak na manginganisa.

JOSUA 14:11

hape laing gogo dope songon di hatiha na nisuru ni si Musa au na salpu i. Laing tuk dope gogongku laho marporang sanga pe mambaen bagi aha sajo.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.