PANGARATAION 32:6 - BIBEL JAMITA NA DENGGAN

⁶ Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

PANGARATAION 32:6 Referans Kwoze

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JESAYA 44:2

Songon on ma hata ni Tuhan, na manompa ho na mambaen ho hatiha di bortian jana mangurupi ho. NaposongKu do ho, ulang mabiar rohamu, ho do bangso na Huhaholongi todoan ni rohangku.

MASMUR 74:2

Ingot ma bangso na nadipulditMi sian narobi, bangso na nipaluaMu anso gabe bangsoMu sandiri. Ingot ma Dolok Sion, na nibaenMu gabe ingananMu.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

GALATIA 4:6

Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

MASMUR 149:2

Marjop ni roha ma ho ale Israel hara ni na manompa ho; marmoga-moga ma ale halak Sion hara ni Rajamu.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

PANGARATAION 32:18

Ditadingkon halahi do Debata Sipalua, Tuhan silehen ngolu dihalupahon.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 1:31

dohot di parhorsihan. Diida hamu do sanga songon dia parobanNia di hamu lopus horas hamu di dalan i lalu tu inganan on nada adong imbarna songon sada ama na marompa anakna.’

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

MASMUR 116:12

Songon dia ma he tarbaloskon au di Tuhan denggan ni basaNa, na binaenNia tu au?

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

JOB 10:8

Na nigana ni tanganMu do iba, songon dia do i muda iba saonnari baenonMu pusa?

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 4:22

Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

PANGARATAION 32:28

Israel ma bangso na so marroha nada adong di halahi na bisukna.

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’