PANGARATAION 32:51 - BIBEL JAMITA NA DENGGAN

⁵¹ Nada setia hamu na dua tu Au jana nada dipasangap hamu Au di adopan ni bangso Israel dompak di mual ni Batang aek Meriba hamu, i ma na di lambung ni kota Kades, di Halongonan Zin.

PANGARATAION 32:51 Referans Kwoze

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?

JESAYA 8:13

Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

JOSUA 15:1

Batas-batas ni tano parbagian ni angka marga na sian horong Juda, songon on ma: Sabola Selatan, manggistang ma luat i lopus tu ujung di Selatan Halongonan Zin di parbalohan ni Edom;

JEHESKIEL 47:19

Anggo batas sabola Hasundutan lopus tu Barat Daya, sian Tamar lalu tu mual Kades-Meriba, lalu tu Barat Laut na marbatas dohot Mesir lopus tu Laut Tonga.