PANGARATAION 32:27 - BIBEL JAMITA NA DENGGAN

²⁷ Tapi nada musuna marginjang ni roha songon na maropuk bangsongKu patundana, angke hum Au, Au sajo do da na mangabiskonsa.

PANGARATAION 32:27 Referans Kwoze

MASMUR 140:8

Ale Tuhan, ulang ma patulus giot ni siparjahat, ulang padiar manjadi sangkap ni halahi.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

JESAYA 37:10

raja ni Juda. Songon on ma hata ni surat i, “Ulang ho tarpaoto hata ni janji ni Debatamu na nipangasahonmi na so madabu ho tu bagasan tanganku.

BILANGAN 15:30

Tapi muda adong sada halak Israel sanga halak na leban na disangajo ia mambaen dosa, na mangincahi Tuhan do i. Angkon mate do halahi uhumon,

JESAYA 48:11

Hubaen on hara ni Au sandiri do, nada Hupadiar goarKu dipalayas martilako. Indangkan na ra Au mambagi hasangapanKi; nampunangKu do i, Au sandiri do nampuna i.”

PANGARATAION 9:28

Muda laing pusaonMu do bangsoMon, gabe dokkonon ni halak Mesir ma na so tuk gogoMu maroban bangsoMon tu tano na dung nijanjihonMi tu halahi. Dokkonon ni halahi ma na giot mamunu bangsoMi do Ho umbaen dioban Ho halahi tu parhorsihan, hara ni goyak ni rohaMu tu halahi.

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

MASMUR 140:9

Ulang padiar monang musungki, padiar ma angka hata ni halahi na jahat i mandondoni halahi.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”