PANGARATAION 32:21 - BIBEL JAMITA NA DENGGAN

²¹ Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.

PANGARATAION 32:21 Referans Kwoze

SURAT NI SI PAULUS TU PARLAGUTAN ROM 10:19

Tapi husapai ma: Adong dehe diantoi Israel i? Na parjolo didok si Musa, “Hubaen do hamu gabe mangiburu tu na so bangsongKu jana Hubaen do rimas ni rohamunu hara ni bangso na hurang roha i.”

SURAT NI SI PAULUS TU PARLAGUTAN ROM 9:25

Angke didok Debata do di buku ni Panurirang Hosea, “Angka halak na so bangsongKu, goaranKu ma ‘BangsongKu’. Bangso na so Huhaholongi, goaranKu ma ‘Haholongan ni rohangKu’.

1 RAJA-RAJA 16:26

Songon si Jerobeam, mardosa do si Omri jana patundania halak Israel pe mardosa jana marsomba tu angka debata. Jadi hara ni i disungguli ia do muruk ni Tuhan, Debata na nisomba ni halak Israel.

1 RAJA-RAJA 16:13

Marsomba tu angka debata do si Baesa dohot si Ela anakna i, jana patunda ni halahi gabe mardosa Israel. Jadi dipasunggul-sunggul halahi do muruk ni Tuhan, Debata na nisomba ni halak Israel.

JUNUS 2:8

Angka na manyomba gana-ganaan na so marguna, ditadingkon do Ho jana nada be setia.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

PANGARATAION 32:16

Marsomba halahi tu patung, gabe mangiburu ma Tuhan. Gurgur ma murukNa dibaen hajahatan i.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

MASMUR 31:6

Goyak do rohaMu mida halak na marsomba tu gana-ganaan, tu Tuhan do au porsaya.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

BAENON NI ANGKA RASUL 11:15

Jadi di na hupungka mandok hata, ro ma Tondi Parbadia tu halahi tudos tu na masa tu hita nabaruon di mulana i.

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

1 SAMUEL 12:21

Ulang antong ihutkon hamu angka debata na so tarbaen mangurupi dohot paluahon hamu, angke na so tutu do adong halahi.

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

PANGARATAION 32:17

Marhaul halahi tu angka sombaon angka debata na so ditanda, sanga na so dihabiari angka ompuna.

1 RAJA-RAJA 14:22

Mardosa do bangso Juda tu Tuhan. Tamba gurgur do muruk ni Tuhan dibaen pangalaho ni halahi martimbangkon sandok pangalaho ni ompu ni halahi.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

1 RAJA-RAJA 14:9

Hape anggo ho, angka dosa na gumodang sian na nibaen ni na mamarenta di jolomu di dipambaeni ho. Ditadingkon ho do Au jana disungguli ho murukKu di na nibaenmu gana-ganaan dohot angka patung sian logam baen sisombaon.

2 RAJA-RAJA 17:11

Ditutung halahi muse do hamonyan di sude langgatan ni debata songon hasomalan ni angka bangso na dung diusir ni Tuhan sian Luat Kanaan. Marsomba gana-ganaan do halahi, haru pe na dung dilarang ni Tuhan. Sude na jahat na dibaen halahi paro muruk ni Tuhan.

2 RAJA-RAJA 21:6

Dipelehon ia do anaknia ditutung songon haul. Laing dipadalan si Manase on muse do hadatuon na mangaligi nasib, aji dohot na mangido panogu-noguon tu angka begu. Na borat do pardosaonnia maradopkon Tuhan, gabe pasunggul-sunggul muruk ni Tuhan.

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

JESAYA 65:3

Sai torus do halahi mambaen muruk Au. Hara ni na mamelehon haul di kobun tu angka debata jana manutungi hamonyan di angka langgatan na disi.

JEREMIA 2:11

Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.