PANGARATAION 30:9 - BIBEL JAMITA NA DENGGAN

⁹ Sai mardohar ma hamu baenon ni Tuhan di sude na nikarejohonmunu; bahat ma dakdanakmunu jana bahat pahan-pahananmunu dohot hasil ni tanomunu. Songon jop ni rohaNia mangalehen hamakmuran di ompumunu, laing songon i do jop ni roha ni Tuhan mambaen hamu makmur.

PANGARATAION 30:9 Referans Kwoze

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

HAMALIMON 26:4

Huparo pe udan di hatihana, gabe dilehen tano i ma suhana jana marbatu ma hayu na nisuanmunu.

JOHANNES 15:11

Hupaboa pe i sudena tu hamu, anso maringanan do hajojop ni rohangKu di bagasan hamu, jana anso sanggam hajojop ni rohamunu.

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JESAYA 65:19

Au sandiri pe marsurak-surak hara ni Jerusalem, jana marjop ni roha hara ni bangsongKu; di kota i nada adong be habegean sora ni na tangis dohot na mangangguk.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

JESAYA 62:5

Songon sada doli-doli na mambuat boru na bujing, songon i ma na manompa ho giot marripehon ho. Songon pangoli na marjop ni roha tu na nibuatnia, songon i ma sonang ni roha ni Debata mida ho.

PANGARATAION 30:8

Mangulahi ma hamu mangoloi Tuhan dohot mandalankon sude parentaNia na hulehen tu hamu sadari on.

JEREMIA 31:27

Au, Tuhan mandok dapot do i hatihana gohanKu Israel dohot Juda markite-hite jolma dohot pahan-pahanan.

PANGARATAION 7:14

Sian sasude bangso na di tano on, umpe sada na dapotan pasupasu na songon i godang songon hamu. Sian sude hamu dohot sandok pahan-pahananmunu, sada pe nada adong na so martamba bahatna.

JESAYA 62:4

Goarmu nada be, ‘Na Nitadingkon’, tanomu nada be, ‘Na Lungun-lungunan’. Goaron ma ho, ‘Hasian Ni Debata’, jana tanomi goaran, ‘Na Dung Marbagas’. Dibaen sonang do roha ni Tuhan mida ho, songon halaklahimu do Ia tu ho.