PANGARATAION 3:20 - BIBEL JAMITA NA DENGGAN

²⁰ Urupi hamu ma dongan sabangsomunu lopus taringani halahi tano na giot silehenon ni Tuhan di halahi di Hasundutan ni Batang aek Jordan jana lopus tumbuk di roha ni Tuhan sonang ngolu ni halahi, songon na dung dibaenNia tu hamu dison. Dung salpu i tola ma hamu mulak tu tano na dung hupasahat on tu hamu.’

PANGARATAION 3:20 Referans Kwoze

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 22:8

Dung i didok si Josua ma songon on, “Saonnari mulak ma hamu dohot maroban bahat sinadongan, bahat pahan-pahananmunu, bahat perak, sere, tumbaga dohot bosi jana bahat pakean. Antong, silehenonmunu do sanga aha na nirampasanmunu sian angka musumunu i tu angka dongan samargamunu.”

BILANGAN 32:22

lalu mangarampas luat i. Dung i pe anso tola hamu mulak, angke madung dikarejohon hamu karejomunu di Tuhan i dohot di angka kahanggimu donganmu sabangso. Tuhan i pe, okuonNa do bahaso hamu nampuna tano na di Habincaran on.

PANGARATAION 3:21

Dung i hudok ma tu si Josua, ‘Madung diida ho sandok na nibaen ni Tuhan Debatamu maradopkon si Sihon dohot si Og raja na dua i. Songon i muse ma baenonNia tu sandok raja na nirampasmunu tanona.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

BILANGAN 32:18

Nada mulak hami tu bagasnami so jolo sude halak Israel manean tano na dilehen di halahi.

JOSUA 22:2

Lalu didok ia ma tu halahi, “Madung dipatulus hamu, sasude na nitonahon ni si Musa naposo ni Tuhan sibaenonmunu, jana madung dioloi hamu muse sude na huparentahon.

JOSUA 22:9

Jadi mulak ma Marga Ruben, Gad dohot Marga Manase Parhabincaran tu tano ni halahi. Ditadingkon halahi ma halak Israel na asing i di Silo na di tano Kanaan, lalu kehe ma halahi tu tano ni halahi sandiri, i ma tano Gilead. Hara ni parenta ni Tuhan markite-hite si Musa do diingani halahi tano i.