PANGARATAION 3:2 - BIBEL JAMITA NA DENGGAN

² Tapi didok Tuhan ma tu au, ‘Ulang ho mabiar tusia, Musa. Giot pasahatonKu do ia, tentarania dohot sude luatnia i tu ho. Baen ma tusia songon na nibaenmu tu si Sihon raja ni halak Amori na mamarenta di Hesbon i.’

PANGARATAION 3:2 Referans Kwoze

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

2 JUJUR TAON 20:17

Nada pola porlu hamu martempur di porang on. Jongjong sajo ma hamu songon i di inganan ni parkarejoanmunu jana painte hamu ma disi. Idaonmunu ma Tuhan mangalehen hamonangan di hamu. O hamu halak Juda dohot Jerusalem, ulang hamu gamang sanga na mabiar. Masuhi hamu sajo ma songon i parporangan i, tolongon ni Tuhan do hamu!”

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

BAENON NI ANGKA RASUL 18:9

Di na sanoli borngin-borngin didok Tuhan ma tu si Paulus di bagasan sada parnidaan, “Ulang pola mabiar ho! Torus ma ho mangkobari, ulang ho hohom.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

PANGARATAION 20:3

‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

PANGARATAION 3:11

Hum Raja Og noma, na mangolu sian halak Refaim. Sian batu do dibaen poti ni bangkena, opat meter ginjangna, jana bidangna mardonok dua meter mamake suhat-suhat na somal. Lopus saonnari tarida dope i di Raba, kota ni halak Amon.)

BILANGAN 21:34

Didok Tuhan ma tu si Musa, “Ulang pola habiari i. Monang do ho baenonKu. Taluhononmu ma ia dohot sude rayat na di luatna i. Baen ma tusia songon na nibaenmu tu Raja Sihon na mangarajai Hesbon.”

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

PANGARATAION 3:1

“Dung i mardalan tu Utara ma hita mandapotkon Luat Basan. Ro ma si Og raja ni Basan mardongan sude tentarania laho mamorangi hita di lambung ni kota Edrei.

PANGARATAION 3:3

Jadi laing Tuhan do na pasahatkon Raja Og dohot rayatna i tu hita, jana madung tabunu halahi sudena.

JOSUA 10:8

Jana didok Tuhan ma tu si Josua, “Ulang ho mabiar tu halahi. Madung Hulehen di ho hamonangan, hara ni i umpe adong sahalak na tarbaen tahan mangalo ho.”