PANGARATAION 28:7 - BIBEL JAMITA NA DENGGAN

⁷ Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

PANGARATAION 28:7 Referans Kwoze

MASMUR 89:23

PasidungonKu ma sude musunia, Hubunu sanga ise na mangkosomi ia.

2 JUJUR TAON 19:4

Maringanan di Jerusalem do Raja Josafat. Tapi jotjot do ditopoti ia rayat i di sude luat laho manyosoi halahi mulak tu Tuhan, Debata ni ompu ni halahi.

JOSUA 8:22

Ro muse ma angka halak Israel na di kota Ai i marporang. Songon i ma hona hobuk angka halak Ai i dibaen halak Israel lalu hona bunu sudena. Umpe sada na luncat, sude do mate hona bunu.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

PANGARATAION 28:6

Pasupasuon ni Tuhan ma sude na nibaenmunu.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

2 RAJA-RAJA 7:5

Jadi dung mamungka samon ari, kehe ma halahi tu parbandaran ni halak Siria i, hape umpe sahalak diida halahi disi.

MASMUR 18:38

Hutombomkon halahi lopus nada tolapsa jongjong, di jolo ni patku tinggang halahi.