PANGARATAION 28:49 - BIBEL JAMITA NA DENGGAN

⁴⁹ Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.

PANGARATAION 28:49 Referans Kwoze

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 48:40

Didok Tuhan ma, “Songon halihi na habang, tudos tusi ma sada bangso giot ro manyoro Moab.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

JEHESKIEL 17:3

Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

JEHESKIEL 17:12

“Sapai ma tu angka pangalo i sanga na diastui halahi do umpama i. Palalu tu halahi bahaso na dung ro raja ni Babel tu Jerusalem, jana dioban ia raja ni Juda maradu angka halak na godang sian kota i tu Babel baen donganna.

1 KORINTUS 14:21

Tarsurat do di Buku Na Badia i, songon on: “Didok Tuhan do, ‘Manghatai ma Au tu bangso on markite-hite pamangan ni halak na asing, i ma halak na mangkobari di bagasan hata na asing. Tapi haru songon i pe laing so ditangihon halahi do Au, ninna Tuhan i.’ ”

MATEUS 24:28

“Sanga di dia adong bangke, marrongom do disi angka unggas sipangan bangke.”

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

BILANGAN 24:24

Sian Siprus giot ro ma tentara, Asur dohot Eber ditaluhonsa, tapi halahi pe nada tolapsa martahan.”

JEHESKIEL 3:6

Nada tu angka bangso parhata na so ni astuan, sanga pardila na hallang na so niastuanmu angka hatana. Sugari tu halahi ho Husuru, anggo halahi tangihononna do ho.

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

MASMUR 81:5

Dilehen do parenta i tu bangso Israel dompak na mangaroro Debata mangalo Mesir. Hubege do sora na so unjung hian dope hubege na salpu i,

PODA 30:19

Unggas rajawali na habang di ginjang, ulok na manjirir di ginjang ni batu korang, kapal na marlayar di tonga ni lautan, dohot sarongkap na poso bulung na marsisoloman mata.

JESAYA 7:18

Di ari i piohonon ni TUHAN ma halak Mesir dohot halak Asur, jadi ro ma bangso na dua i songon parharkar ni lanok dohot loba mangarongomi angka rura na margaba-gobi dohot rigang-rigang ni batu; tutupan ni halahi ma sandok potpot na marduri dohot inganan na marduhut.

JESAYA 33:19

Indangkan na idaonmunu be angka halak na asing na jorbong i manghobari di hata na so niastuanmunu.

JESAYA 39:3

Dung i ro ma Panurirang Jesaya mangadop tu Raja Hiskia lalu marsapa, “Isi ni dia dehe angka halak on? Aha didok halahi?” Dialusi si Hiskia ma, “Sian sihadaoan do halahi, sian Babel.”

JEHESKIEL 11:9

ObanonKu noma hamu ruar sian kota i jana Hupasahat tu halak na leban. Madung Huputuskon uhuman mate tu hamu.

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.