PANGARATAION 28:39 - BIBEL JAMITA NA DENGGAN

³⁹ Suananmunu ma angka kobun anggur jana pature-tureonmunu ma i, hape nada adong putihonmunu parbatuna sanga inumonmunu aek ni anggurna, angke papanganan ni ulok-ulok do bona ni anggur i.

PANGARATAION 28:39 Referans Kwoze

JUNUS 4:7

Tapi ancogotna i taran andostorang dope, dibaen Debata ma sada ulok-ulok na manggirik urat ni suan-suanan i, gabe malos ma i.

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JOB 15:33

Sai songon bona ni anggur na marurus batu noma ia songon bona ni zetun na marurus dompak di bungana.

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.