PANGARATAION 28:32 - BIBEL JAMITA NA DENGGAN

³² Di jolo ni matamu lehenon ma anak dohot borumu gabe hatoban tu halak sileban. Maniak ma matamunu ganop ari hara ni na manjalahi dakdanakmunu i, hape magopo do angke nada mulak be halahi.

PANGARATAION 28:32 Referans Kwoze

JOEL 3:6

Halak Juda dohot Jerusalem dioban hamu dao sian tanona; dung i digadis hamu tu halak Junani.

PANGARATAION 28:41

Sorang ma anak dohot boru di ho, hape buaton do halahi gabe taban di porang, gabe agoan ma ho di halahi.

2 JUJUR TAON 29:9

Marmatean angka amanta di parporangan jana angka dakdanak dohot dongan sabagasta dioban gabe taban.

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

AMOS 5:27

muda Hubuang hamu tu sada luat na dumao sian Damaskus, ninna Tuhan na margoar Debata Na Markuaso.”

JEHESKIEL 24:25

Didok Tuhan ma tu au, “Antong, ale jolma parsantongkinan, buatonKu noma sian halahi bagasKu na tohong i, na gabe hagodangan dohot hasonangan ni roha ni halahi jana na nitatap bope na nidapotkon ni halahi di bagasan jop ni roha. Laing buatonKu muse ma angka dakdanak ni halahi.

ANDUNG 5:17

Hara ni i gabe magopu rohanami jana hara ni i ma gabe rambon parniidaannami.

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

JESAYA 38:14

Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

MASMUR 119:123

Maniak matangku painte Ho laho paluahon au, painte-inte haluaan na ni baga-bagahonMu.

MASMUR 119:82

Barnit matangku, paintehon Ho manggohi baga-bagaMu, marsapa au, “Andigan do apoanMu au?”

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

JOB 17:5

Songon pandohan, sanga ise na mangaduhon donganna hara ni hauntungan, anakna sandiri pe manjagit pamalosan.

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

PANGARATAION 28:65

Sanga na di dia pe nada adong dapot ho hasonangan, nada adong sada inganan na tardok ho songon ho puna; baenon ni Tuhan ma ho gamang sajo, nada adong arop ni roha, jana gok pandelean.

PANGARATAION 28:18

Buraan ni Tuhan ma ho, lopus gabe otik anak, suha ni ladang dohot lombu maradu biri-birimunu.

BILANGAN 21:29

Iale halak Moab na marjaya! Marmara ma ho bangso na mardebatahon Kamos! Dipadiar debatamu ho gabe mangungsi. Dadaborumunu ditaban raja Amori.

PANGARATAION 28:31

Sambolon ma lombumunu di jolo ni matamunu, hape nada panganonmunu saotik pe sian juhutna i. Diiring ma angka halodemunu kehe dipaida-ida ho, jana nada paulahonna be i mangulahi tu ho. Parlehenon ma biri-birimunu i tu angka musumunu, hape umpe sahalak na mangurupi ho.

ANDUNG 1:18

Tapi tigor do anggo Tuhan, angke parentaNia do antong na nilaosan. Tangihon ma au, ale angka bangso! Ligi ma au di bagasan pardangolan on. Hona tangkup na poso dohot nauli bulungku, jana dioban tu habuangan.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

JOB 31:8

sai gabe halak na asing ma marsaulihon na husabur, jana sai sisoada ma sude suha ni karejongku.