PANGARATAION 28:27 - BIBEL JAMITA NA DENGGAN

²⁷ Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.

PANGARATAION 28:27 Referans Kwoze

1 SAMUEL 5:6

Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

HAMALIMON 21:20

Nada tola halak na bungkuk sanga na pengpeng, nada tola halak na mahancit mata sanga mahancit kulitna, sanga nada tola halak na dung dipaias.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 9:9

Jadi gabe sarsar ma sirabun i songon abuan na lamot tu sude tano Mesir, gabe baroon ma sandok jolma dohot pahan-pahanan di tano Mesir baenon ni i, dung mapuntar baro i gabe marnana ma i.”

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

MASMUR 78:66

Disosak Ia alo i mulak balging, salolot na noma halahi talu.

1 SAMUEL 5:12

Angka halak na so mate, hona ma na baro-baroon i, jadi gabe mangangguhi ma halahi tu angka debata ni halahi mangido tolong.

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.

HARURUAR 9:11

Nada tarbaen angka parelmu sihir i ro mandapotkon si Musa, harana halahi pe gok baro do songon halak Mesir na asing i.

PANGARATAION 7:15

Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.

PANGARATAION 28:28

Mago ma parningotanmunu baenon ni Tuhan; gabe mapitung ma ho jana lenong-lenong.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

HARURUAR 9:10

Dung i dibuat si Musa dohot si Harun ma abu saotik, dung i kehe ma halahi manopotkon raja i. Disampakkon si Musa ma sirabun i tu ginjang. Gabe baroon ma jolma bope pahan-pahanan, na gabe bugang na marnana i.