PANGARATAION 28:2 - BIBEL JAMITA NA DENGGAN

² Oloi hamu ma Tuhan Debatamunu, jadi gabe lehenonNia ma sude pasupasu on tu ho:

PANGARATAION 28:2 Referans Kwoze

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

PANGARATAION 28:15

“Tapi muda nada dioloi ho Tuhan Debatamunu, jana nada setia ho patuluskon sude parenta dohot uhumNia na hulehen tu ho sadari on, gabe ampe ma tu ho bura na songon on:

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

PANGARATAION 28:45

Ampe tu ho ma sude bura on, jana torus ma i marroan tu ho lopus abis ho, hara ni na so mangoloi ho tu Tuhan Debatamunu jana nada dipatulus ho sude uhum na nilehenNia i tu ho.

PANGARATAION 28:3

Pasupasuon ni Tuhan ma ho di kota dohot di ladang i.

PANGARATAION 11:27

Dipasupasu ma hamu muda dioloi hamu angka parenta ni Tuhan Debatamunu na hulehen di hamu di ari sadari on,

MASMUR 128:4

Songon i ma pamasumasu ni Tuhan di halak na marhabiaran tuSia.