PANGARATAION 28:12 - BIBEL JAMITA NA DENGGAN

¹² Paroon ni Tuhan ma udan di hatihana sian inganan panyimpananna na bubung di langit. PasupasuonNia ma sude karejomunu, jana gabe tarbaen ho ma painjamkon tu bahat bangso tapi indangkon sai manginjam ho sanga na sian ise.

PANGARATAION 28:12 Referans Kwoze

PANGARATAION 15:6

Pasupasuon ni Tuhan ma hamu songon na nijanjihonNa i. Painjamkon hepeng ma hamu tu bahat bangso, tapi anggo hamu nada pola porlu manginjam sanga na sian ise pe; kuasoanmunu ma bahat bangso, tapi sada bangso pe nada adong na markuaso di ginjangmunu.

PANGARATAION 15:10

Lehen hamu ma tu halak i sian na nionjar ni roha dohot sian basa ni roha, jadi gabe pasupasuon ni Tuhan ma sude karejomunu.

PANGARATAION 11:14

Muda dibaen hamu songon i, gabe paroon ni Tuhan ma udan tu tanomunu i di hatihana, dung sidung hamu manyabi dohot di na mamungka hamu manyuan. Gabe tuk ma di hamu gandum, anggur dohot miak zetun,

HAMALIMON 26:4

Huparo pe udan di hatihana, gabe dilehen tano i ma suhana jana marbatu ma hayu na nisuanmunu.

PODA 22:7

Guru dok ni paradongan do halak na pogos gabe hatoban ni parsingir do parutang.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

MASMUR 135:7

Sian ujung ni portibi diparo Ia ombun dibaen Ia hilap mardongan udan. Dung i diparentahon Ia tu haba-haba anso ruar be sian panyimpananna.

PANGARATAION 28:44

Marhepeng ma halahi sipainjamkononna tu ho, hape anggo ho so adong bagi na ahamunu sipainjamkononmunu tu halahi. Jana ujungna markuaso muse ma halahi tu ho.

JOB 38:22

Jungada dehe mangaligi inganan panyimpanan ni artangKu inganan ni ambolas dohot salju,

PANGARATAION 23:20

Tapi tola do pangidoonmu anak ni sanga aha na nipainjamkonmu tu halak sileban. Oloi ma parenta on, dung i pasupasuon ni Tuhan Debatamu ma sanga aha na nibaenmu di tano na giot sibuatonmi.

PANGARATAION 28:24

Songon gonti ni udan, diparo Debata ma udan abu dohot horsik lopus mate hamu sude.

1 RAJA-RAJA 18:1

Dung adong sadia honok, di taon patoluhon ari logo i, didok Tuhan ma tu si Elia, “Kehe ma ho mangadop tu Raja Ahab, paroonKu ma naron udan.”

JEHESKIEL 34:26

PasupasuonKu ma halahi jana paloasonKu maringanan humaliang dolokKu Na Badia i. LehenonKu ma di halahi udan muda dung porlu di halahi; i ma udan na parohon pasupasu tu halahi.