PANGARATAION 27:15 - BIBEL JAMITA NA DENGGAN

¹⁵ Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 27:15 Referans Kwoze

HARURUAR 34:17

Ulang baen hamu debata na nituang di hamu.

HARURUAR 20:4

Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

PANGARATAION 5:8

Ulang baen di ho patung na manyarupai sanga aha pe diginjang di langit sanga na adong di tano, bope na di aek na di toru ni tano.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

2 JUJUR TAON 33:2

Mardosa do si Manase tu Tuhan, hara ni na mangihutkon angka hasomalan na jahat sian angka bangso na niusir ni Tuhan sian Kanaan di hatiha na masuk halak Israel tu luat i.

2 RAJA-RAJA 23:13

Songon i muse angka langgatan na di Habincaran ni Jerusalem, di Selatan ni Dolok Hajahatan, dipahodar; Raja Salomo do na pajongjongkon angka langgatan i laho marsomba tu angka debata sihagigian, i ma Astoret debata boru-boru ni halak Sidon, Kamos debata ni halak Moab dohot Milkom debata ni halak Amon.

2 RAJA-RAJA 17:19

Tapi halak Juda pe nada dioloi halahi Tona Ni Tuhan, Debata ni halahi. Diihutkon halahi do angka pangalaho na gabe hasomalan ni halak Israel.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.

PANGARATAION 29:17

Madung diida hamu angka patung sihagigian na nisomba ni halahi; angka patung na dibaen sian hayu, batu, perak dohot sere.

BILANGAN 5:22

Masuk ma aek on tu butuhamu mambaen ho busungon jana hesut na niabitanmi.” Alusan ni dadaboru i ma, “Hujagit ma i; sai dibaen Tuhan i ma songon i.”

PAMUNGKAAN 31:34

Jadi di hatiha i ma dipaimbar si Rahel dewa i dipamasuk ia tu bagasan palano ni unto, hape dijuguhi ia muse do palano i. Sude ma dipareso ia bandar ni si Rahel i, hape na so dapotnia do dewa i.

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

PAMUNGKAAN 9:25

didok ia ma, “Hona bura ma si Kanaan! Gabe hatoban ni angka kahanggina ma ia.

JEHESKIEL 7:20

Anggo najolo godang do roha ni halahi hara ni simata ni halahi na jeges-jeges i, tapi dibaen dipake halahi do i laho pature angka gana-ganaan, na hagigian i, jadi dibaen Tuhan ma arta ni halahi i gabe pangalaho na jorbut.

JEREMIA 28:6

“Denggan! Sai tulus ma nian alatanmi, jana sai saut ma dioban Tuhan sian Babel angka barang-barang ni Bagas Ni Tuhan rap dohot sude halak na tarbuang tusi.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 11:3

Au Tuhan, Debata ni Israel, Huburai do sanga ise na so mangoloi angka na nipangido ni parjanjianKi.

JESAYA 44:19

Nada jabat lalu dipikiri sibaen patung i, “Na marsomba tu sangkimpal hayu do au. Deba sian hayu i hututung jana arangna i hupake baen manutung roti dohot mamanggang juhut sipanganonku. Na deba nari i ma hubaen patung. Jadi saonnari na marsomba tu samponggol hayu do au!”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

JEHESKIEL 14:4

Jadi hara ni i dokkon ma tu halahi bahaso Au Tuhan Debata martona songon on: ‘Sandok halak Israel na dung pasahat dirina tu gana-ganaan jana padiarkon dirina madabu tu bagasan dosa, dung i ro mangido sipaingot sian sada panurirang, alusanKu do i dohot alus na patut tu angka gana-ganaan na bahat i!

PANGARATAION 27:14

Angkon dokkonon ni angka halak Levi do hata na mangihut on mardongan sora na gogo.

1 JUJUR TAON 16:36

Puji ma Tuhan, Debata ni Israel! Puji ma Ia saonnari ro di salolotna! Dung sidung diendehon si Asap dohot angka halak Levi i ende i, didok halak Israel ma sude, “Amen,” jana dipuji halahi ma Tuhan.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

PANGARATAION 4:25

Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

HAKIM-HAKIM 17:3

Dipaulak ia ma hepeng perak i tu inangnia, gabe ninna inangnia i ma: “Anso ulang hona bura ho anakku, hupasahat ma hepeng i tu Tuhan. Anso dipake i mambaen sada gana-ganaan sian hayu na dilampis dohot perak. Jadi saonnari hupaulak ma tu ho hepeng perak i.”

HAKIM-HAKIM 17:4

Tapi laing dipaulak ia do hepeng perak i tu inangnia. Dibuat inangnia i ma dua ratus hepeng perak i jana dilehen ma i tu tukang perak, giot mambaen sada gana-ganaan sian hayu jana dilampis dohot perak. Jadi dipayakkon si Mika ma patung i di bagasnia.

JESAYA 44:13

Disuhat tukang hayu ma hayuna. Dibaen rumang ni gambarna dohot kapur, digorga ia ma i dohot angka parkokasnia jana dibaen ia ma i gabe patung ni jolma na lagak, dibaen ia ma di bagasnia.