PANGARATAION 27:1 - BIBEL JAMITA NA DENGGAN

¹ Dung i rap ma si Musa dohot angka pamimpin ni bangso i mandok tu bangso i, “Oloi hamu ma sude parenta na hulehen tu hamu di ari sadari on.

PANGARATAION 27:1 Referans Kwoze

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JAKOBUS 2:10

Harana sanga ise na mangkarejohon sude Tona i, tapi nada dikarejohon ia sada sian i, na marsala do ia maradopkon sasudena i.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

PANGARATAION 26:16

“Sadari on diparentahon Tuhan Debatamunu do hamu laho mangoloi sude parentana on: Oloi hamu ma sudena i sian sandok rohamunu dohot sian sandok tondimunu.

PANGARATAION 11:32

jadi sai oloi hamu ma sude aturan na hulehen tu hamu di ari sadari on.”

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

PANGARATAION 27:2

Sadari on taripar ma hamu di Batang aek Jordan laho masuk tu tano na giot silehenon ni Tuhan Debatamunu tu hamu, angkon pajongjongonmunu do sanga na piga batu na godang, jana hapuri hamu ma.

MASMUR 78:7

Jadi laing dohot muse ma halahi mambaen Debata gabe arop ni rohana, nada lupa di angka pambaenanNia, tapi gabe burju mangoloi parentaNia.

PANGARATAION 1:1

Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 6:17

Oloi hamu ma sude aturan na dilehen ni Tuhan tu ho.

1 JUJUR TAON 28:8

Dung i diuduti si Daud ma mandok, “Jadi saonnari hamu angka rayatku, di jolo ni Debatanta dohot di jolo ni parlagutan ni sude Israel bangso ni Tuhan on, hupangido dohot gomos, anso ihutkon hamu sandok na niparentahon ni Tuhan Debatanta i. Muda songon i, laing hamu ma nampuna luat na denggan on jana pateankononmunu ma on tu pomparanmunu salolot-lolotna.”