PANGARATAION 26:6 - BIBEL JAMITA NA DENGGAN

⁶ Na porsuk do pambaen ni halak Mesir tu hami jana dipaksa do hami markarejo songon hatoban.

PANGARATAION 26:6 Referans Kwoze

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

HARURUAR 5:23

Sian dung ro au manopot raja i mangkatai marhite goarMu, mur diparkanciti ia ma bangso on. Hape nada adong dibaen Ho sanga aha laho mangurupi halahi.”

HARURUAR 5:19

Mangarti ma angka mandur i, bahaso na dung di bagasan hasusaan halahi dung didok, angkon dos bahat ni batu bata paulion ni halahi songon di ari na salpu.

HARURUAR 5:9

Tambai hamu ma karejo ni halahi, ulang loas hamu maradian halahi, anso ulang sanga halahi manangihon barita-barita gabus.”

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 1:16

Ninna raja ni Mesir i ma tu angka bidan i, “Muda ditolong hamu ina ni halak Ibrani na giot manubuhon dakdanak, ingot ma on: Muda halaklahi do na sorang i, bunu hamu! Tapi anggo dadaboru do, padiar hamu ma mangolu.”

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

BILANGAN 20:15

Na kehe do ompunami tu tano Mesir jana maringanan disi martaon-taon honokna. Nada denggan pambaenan ni halak Mesir i tu ompunami dohot tu hami pe,