PANGARATAION 26:5 - BIBEL JAMITA NA DENGGAN

⁵ Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.

PANGARATAION 26:5 Referans Kwoze

PANGARATAION 10:22

Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

PAMUNGKAAN 46:27

Dua dakdanak ni si Josep na sorang di Mesir; gabe pungu ma sude pomparan ni si Jakob na lalu tu Mesir pitu pulu halak.

PAMUNGKAAN 31:20

Na mangakali si Laban do si Jakob umbaen na so marpaboa ia na kehe i.

PAMUNGKAAN 45:11

Muda di Gosen amang maringanan, tarbaen au ma pature-turehon ho amang. Adong dope lima taon nari haleon potir on, jana jagohononku ma anso ulang mate so mangan damang, dohot keluargamu bope sude pahan-pahanan ni amang.’ ”

PAMUNGKAAN 45:7

Ma ditongos Debata au tuson manjoloi hamu laho paluahon hamu dohot dalan hahomangan na songon on, boti anso adong na manjamin hatorkisanmunu dohot ginjang ni umurmunu.

PAMUNGKAAN 43:12

Oban hamu muse ma hepeng dua noli lompit sian na parjolo i, harana angkon paulahonmunu do hepeng na di bagasan harungmunu i. Betak na pasambar do i na salpu i.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

BAENON NI ANGKA RASUL 7:15

Jadi bungkas ma si Jakob tu tano Mesir jana disi ma marujung ngolunia dohot angka ompunta i.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

PAMUNGKAAN 25:20

Marumur opat pulu taon ma si Ishak di na marripe ia dohot si Ribka, iboto ni si Laban, boru ni si Betuel. (Halak Aram na di Mesopotamia do anggo si Betuel.)

PAMUNGKAAN 24:4

Angkon mangulahi tu luat hatubuanku do jalahanmu boru dongan matobangnia, i ma sian koum sisolkotku.”

PANGARATAION 7:7

Na nihaholongan jana na nipili ni Tuhan do hamu, nada hara ni na gumodang hamu sian angka bangso na asing, hamu noma tehe bangso na ummenek di tano on sudena.

HARURUAR 1:12

Tapi mur diparkanciti halak Mesir i halak Israel, mur mabahat do halahi, jana mur digohi halahi luat i, pola tehe mur mabiar halak Mesir i mida halahi.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 1:5

Bilangan ni pomparan ni si Jakob i sude adong do pitu pulu halak. Si Josep madung parjolo maringanan di Mesir.

PAMUNGKAAN 47:27

Songon i ma dalanna gabe laing maringanan halak Israel di Mesir, i ma Luat Gosen. Mur kayo ma halahi jana magabe.

PAMUNGKAAN 31:40

Jotjot do hutaon milas ni ari, jana ngalian borngin jana jotjot nada tarpodom au.

PAMUNGKAAN 28:5

Jadi songon i ma dipabuat si Ishak anakna si Jakob tu Mesopotamia mandapotkon si Laban anak ni si Betuel halak Aram i. Iboto ni si Laban ma da si Ribka inang ni si Jakob dohot si Esau i.

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 47:4

Na giot maringanan di luat on do hami umbaen na ro hami, dibaen santakna haleon na masa di Kanaan, jabat nada adong be ruput panganon ni angka pahan-pahanannami i. Paloas ma hami da rajanami maringanan di Gosen.”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

PANGARATAION 26:4

Dung i jagiton ni malim i ma ampang i sian tanganmunu jana baenonna ma i tu jolo ni langgatan ni Tuhan Debatamunu.

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.